Pas denoncimit disa ditë më parë nga një portal i panjohur italian “Pianeta Italia”, Drejtoria e Doganave ka reaguar duke mohuar që në territorin shqiptar të ketë kaluar qoftë edhe 1 kontenier me mbetje, gjatë vitit që shkoi
Drejtorja e përgjithshme e doganave Belinda Ikonomi, tregon listën me 1120 kontenierë që kanë hyrë gjatë vitit 2016-të në doganën e Durrësit me destinacion Maqedoninë.
Ikonomi sqaron se menjëherë pas këtij lajmi ka vënë në lëvizje shërbimet inteligjente doganore dhe janë kërkuar të dhëna nga autoritetet italiane dhe maqedonase.
Portali italian shkruante se dispononte dokumente per 1 300 kontenierët, por deri me sot nuk ka publikuar asnjë dokument të vetëm.
