Në ambientet e Drejtorisë së Policisë së Shtetit, Haki Çako priti sot në një takim Drejtorin e Përgjithshëm të Policisë të Malit të Zi, Slavko Stojanoviç dhe delegacionin që e shoqëronte.
Ky takim u zhvillua në kuadër të finalizimit me sukses të operacionit të përbashkët policor të koduar Lux/Rover i cili është vlerësuar nga qendra SELEC (Qendra e Zbatimit të Ligjit për Europën Juglindore) si “Operacioni më i suksesshëm në Europën Juglindore për 6 mujorin e dytë të vitit 2016”.
“Ka qenë një aksion policor i përbashkët në pikat e kalimit çka tregoi si duhet të veprojmë dhe si duhet të bashkëpunojmë, si duhet të kemi besim të ndërsjelltë. Mund të them se ky mund të jetë si një shembull për të gjitha operacionet e planifikuara në të ardhmen nga Policitë tona”- u shpreh Stojanoviç.
