Ardian Çapja, i plagosur mëngjesin e 8 qershorit, ndodhet në gjendje kritike për jetën.
Drejtori i Spitalit të Traumës në QSUT, Arben Zenelaj bëri me dije se Çapja është ende në sallën e operacionit dhe në gjendje të rëndë shëndetësore.
55 vjeçari u godit me snaiper në shpatull dhe të paktën një prej plumbave i ka kaluar tejpërtej. Pas atentatit, ai shkoi fillimisht në spitalin e Elbasanit por më pas u transportua në Tiranë.
Policia njoftoi se atentati ndaj Çapjas ishte i mirëorganizuar dhe i paramenduar.
