Arrestimi i Vangjush Dakos dihej prej ditësh. Kështu deklaroi në ‘A Show’ me Adi Krastën në SYRI TV, analisti Mentor Kikia, gjatë diskutimit në lidhje me ndalimin e ish-kryebashkiakut të Durrësit.
Kikia u shpreh se, fakti që urdhër arresti për Vangjush Dakon dihej prej ditësh dhe këtu e bën drejtësinë të jetë komike.
Para dy ditësh një koleg në një program televiziv më tha: A mund të vish nesër në emisionin tim sepse do të arrestohet Vangjush Dako.
Pothuajse të gjithë e dinin se do të kishte një urdhër arrest për ish-kryebashkiakun e Durrësit dhe këtu është edhe pjesa komike e drejtësisë këtu.
Një urdhër-arresti është padyshim sekret, sepse njeriu arrestohet kur akuzohet për një vepër penale, për dy arsye; të mos përsërisë krimin dhe të parandalohet zhdukja e provave dhe prandaj dërgohet në burg.
Përse e çuan në burg sot, përse e mbajtën, sepse për akuzat që ngrihen, Dako mund të hetohet në gjendje të lirë’, tha Mentor Kikia në SYRI TV.
