Ata i kanë dhënë një tjetër dimension futbollit, duke u bërë protagonistë absolutë jashtë fushës ku luhet.
Bëhet fjalë për Pep Guardiolën dhe Hoze Murinjon, përplasjet e të cilëve kanë hyrë në histori kur drejtonin Barcelonën dhe Real Madridin.
Por, tashmë duket se kjo përplasje do të transferohet në Angli, dhe përkatësisht në Mançester.
Pas zyrtarizmit të Guardiolës si trajner i Mançester Sitit, shumë shpejt edhe Mançester Junaited pritet të zyrtarizojë trajnerin për sezonin e ardhshëm.
Dhe, me të gjitha gjasat, ai do të jetë Hoze Murinjo.
Të gjitha mediat britanike tashmë këtë gjë e bëjnë fakt të kryer.
Dhe, ato janë në ekstazë, pasi vitin e ardhshëm do të kenë boll material për t’u marrë.
