Sekretari i Përgjithshëm i PD-së, Gazment Bardhi ka qenë i pranishëm në seancën gjyqësore për procesin e njohur si “Babalja”, për të dhënë dëshminë e tij.
Bardhi ka sqaruar se urdhri për shoqërim të detyrueshëm është i paligjshëm.
“S’kam pasur njoftim për të ardhur në seancë. Është i paligjshëm urdhri për shoqërim të detyrueshëm”, deklaroi Bardhi.
Lidhur me hetimet për dosjen në fjalë kujtojmë se Prokuroria e Tiranës ka marrë të pandehur ish-deputetin e Partisë Demokratike Ervin Salianji për akuzën e “kallëzimit të rremë”.
Në seancën e sotme ka qenë i pranishëm vetëm Fredi Alizoti pasi ish-deputeti Salianji dhe gazetari Jetmir Olldashi, gjithashtu i pandehur, mungonin.
