Dorëzohet në Gjykatën për Krime të Rënda pjesa e parë e dosjes 339, ku janë përcaktuar 12 të pandehur nga Prokuroria.
Shorti ka përcaktuar gjyqtarin Fran Prendi për seancën paraprake, e cila do të përcaktoj nëse kjo dosje do të kaloj për gjykim ose jo.
Bëhet me dije se të pandehur në këtë dosje janë: Ramadan Dushaj, Rezart Çaçani, Fatbardh Gostini, Neritan Saraçi, Ardit Haxhagiqi, Gentjan Marku, Oltion Noka, Fation Marku, Samuel Ndoka, Vilson Ndoka, Elis Guri, Luan Boça.
Personat e aukuzuar si të përfshirë në ‘dosjen 339’ akuzohen për ‘Prodhim dhe shitje të narkotikëve në bashkëpunim’, ‘Grupim të strukturuar kriminal dhe ‘Kryerjen e veprave penale në kuadër të Grupit të strukturuar kriminal’.
Kujtojmë se lidhur me këtë dosje është pyetur në prokurori edhe kryebashkiaku i Durrësit, Vangjush Dako, për të cilin kanë dalë përgjime telefonike se ky i fundit ka kontaktuar me anëtarë të grupit Bajri të Shijakut për shit-blerje votash në zgjedhjet e 2017-ës.
