Partia Demokratike ka vendosur të ndërpresë bojkotin ndaj Kuvendit. Kryesia e grupit të Partisë Demokratike vendosi sot që deputetët të marrin pjesë nëpër komisione duke nisur qysh ditën e hënë. Vendimi vjen pasi kërkesat kryesore të opozitës janë plotësuar tashmë.
Një prej kushteve të opozitës dhe më i rëndësishmi ishte dërgimi në Gjykatën Kushtetuese i mandatit të dy deputetëve të shumicës, Valentina Leskaj dhe Rakip Suli. Një tjetër kusht i opozitës është plotësuar dje nga konferenca e kryetarëve, e cila vendosi të miratojë propozimine PD-së për ngritjen e komisionit hetimor parlamentar për CEZ.
