Aleksandër Dushaj kërkoi garanci për jetën dhe më pas u dorëzua në policinë e Tiranës
Është vetdorëzuar në policinë e Tiranës, autori i vrasjes së dy vëllezërve në Shkodër, tre ditë më parë. Autori i krimit, Aleksandër Dushaj, është dorëzuar pasi mori garancinë për jetën nga policia e Tiranës.
Prej dy ditësh policia, e ndihmuar nga forcat RENEA dhe ato të Ndërhyrjes së Shpejtë u vunë në ndjekje të Aleksandër Dushajt i cili pas vrasjes së dy vëllezërve u largua në zonën e Mazrekut dhe më pas në malet e Dukagjinit. Ngjarja e rëndë, ku u vranë në pritë dy vëllezër Abdullah dhe Skënder Shkami, ndodhi mesditën e 2 janarit. Shkak u bë refuzimi i njërit prej vëllezërve për t’i dhënë për nuse vajzën shtetasit Aleksandër Dushaj. Policia sqaroi se Aleksandër Dushaj kishte dy vite që këmbëngulte në historinë e një lidhjeje me vajzën e Skënder Shkamit, njëri prej vëllezërve, viktime e Dushajt.
