Dorëhiqet ministri i Financave të Maqedonisë Zoran Stavrevski me arsyetimin për shkaqe shëndetësore. Nga Qeveria e falënderuan për punën e deritanishme dhe theksuan se edhe në të ardhmen do të jenë të hapur për bashkëpunim.
“Problemet shëndetësore me të cilat po ballafaqohem me këshillat e mjekëve dhe këshillat e tyre tregojnë se ekziston domosdoshmëri për shërim më të gjatë, për çka unë nuk do të kem mundësi ta kryer funksionin e ministrit të Financave dhe zëvendëskryeministër i Qeverisë së Maqedonisë”, thuhet në dorëheqjen e ZoranStavreskit.
Stavreski ishte njeri i besueshëm i ish kryeministrit Nikolla Gruevski. Miqësia e tyre daton që nga vitet e 90-ta kur kanë punuar në banka të ndryshme. Më pas, kur Gruevski ishte ministër i financave në Qeverinë e Lubço Georgievskit, Stavrevski kishte pozitën e nënsekretarit. Prej aty u punësua në Bankën Botërore ndërsa pas ardhjes në pushtet të VMRO DPMNE-së në vitin 2006 Stavrevski kthehet nga Uashingtoni dhe merr pozitë kyçe në Qeveri. Miqësia e tyre edhe më tepër u përforcua u bë kumbarë i Gruevskit. Edhe pse kishte besim të pakontestueshëm te Gruevski, në bombat e publikuara për të cilat pretendohet të jetë Stavrevski, tregon se nuk pajtohet me politikat që i bën Qeveria, ai ngadalë u tërhoq nga skena politike.
“Nuk kemi për bukë ndërsa shpenzojmë për çokollata”.
Pas këtyre bisedave të publikuara, Stavrevski gjithnjë e më pak shihej në shoqëri me Gruevskin ndërsa më shumë se gjysmë viti nuk është paraqitur në konferencë shtypi. Madje edhe reagimet me shkrim që dërgoheshin për dikasterin e financave periudhën e kaluar dërgoheshin nga VMRO DPMNE-ja e jo nga kabineti i Stavrevskit. Në qarqet politike, dorëheqja e Stavrevskit megjithatë interpretohet me faktin se bombat eventualisht e kanë prishur afërsinë e tij me Gruevskin.
/Alsat.mk/
