Ish- deputeti i Partisë Socialiste, Astrit Beci është zgjedhur si koordinator politik i kësaj partie në qarkun e Shkodrës.
53-vjeçari zëvendëson në këtë detyrë Valdrin Pjetrin, i cili u dorëhoq nga posti si kryebashkiak i Shkodrës pas akuzave të Partisë Demokratike.
Sipas akuzave Pjetri ka fshehur dënimin e tij në Itali përpara 16 vitesh në formalurarin e dekriminalizimit për trafik droge.
Astrit Beci ka përfunduar studimet për mjekësi në Universitetin e Tiranës si okulist.
Ai ka drejtuar Spitalin e Shkodrës, si dhe Institutin e Sigurisë dhe Kujdesit të Shëndetit ISKSH.
