Deputeti demokrat Luan Baçi ka deklaruar se kryedemokrati Lulzim Basha ka qenë i shkarkuar që prej kuvendit të 11 Dhjetorit.
Me anë të një postimi në Facebook, Baçi shkruan se veprimi që Basha ka bërë sot duke deklaruar dorëheqjen ishte një hipokrizi nga ana e tij për të tërhequr vëmendje.
“Basha dorëhiqet” jo ! Basha është i shkarkuar nga kuvendi i 11 Dhjetorit me 4446 vota të delegatëve të kuvendit dhe i ratifikuar nga 44000 anëtarë të PD! Basha duhet të ishte larguar nga zyrat e PD kohë më parë dhe mos të pengonte aktivitetin normal të PD! Dëmi që i ka shkaktuar PD është i pallogaritshëm! Trumbetimi i veprimit të sotëm si ” Dorëheqje” apo një “Hap pas” për ” të mirën e demokratëve” është hipokrizi, për të tërhequr vëmendjen dhe për të rikuperuar diçka nga ajo që mund të ketë mbetur!”, ka shkruar ai.
Baçi thekson se dëmi që Basha i ka shkaktuar Partisë Demokratike është i pallogaritshëm. Ndër të tjera, deputeti demokrat thotë se trumbetimi i veprimit të sotëm si ‘dorëheqje’ është hipokrizi për të tërhequr vëmendjen.
