I pranishëm në aktivitetin që po zhvillohet me rastin e 20-vjetorit të Shkollës së Magjistraturës Donald Lu ka kujtuar Fildes Hafizin.
Diplomati amerikan gjatë fjalës së tij tha se sistemi gjyqësor i Shqipërisë e la në baltë Fildesin, dështoi duke lënë burrin e saj jashtë burgut.
“Në këtë sallë ka dy grupe, një grup me shumë përvojë grupi i parë, po për mua grupi i dytë e më i rëndësishëm janë të rinjtë me shpresë e optimizëm për të ardhmen e Shqipërisë. Vitin e kaluar njoha Fildes Hafizin në diplomimin e saj. Sistemi gjyqësor i Shqipërisë e la në baltë Fildesin, dështoi duke lënë burrin e saj jashtë burgut. Vdekja e Fildesit s’duhet të shkojë dëm, por të jetë optimizëm për t’i dhënë drejtësi popullit shqiptar. Vettingu fillon javën që vjen. Shqiptarët duhet të jenë krenarë që larguan kriminelët nga Parlamenti”, u shpreh ai.
