Ambasadori amerikan Donald Lu ka deklaruar se një grua e fuqishme është një shenjë e mirë edhe për burrat.
Rrjeti i fuqizimit të gruas në Shqipëri organizoi një ekspozitë fotografish dhe solli dëshmi grash dhe vajzash jeta e të cilave ka ndryshuar nga vështirësitë e kaluara. Në aktivitet Donald Lu tha se roli i gruas është thelbësor në shoqëri dhe një grua e fortë nuk është mirë vetëm për gratë, por edhe për burrat dhe djemtë.
“Fuqizimi i grave dhe vajzave nuk është një synim vetëm për gratë por është synim shumë i rëndësishëm edhe për baballarët, vëllezërit dhe për djem. Me 16 dhjetor 2012 në një autobus në News Delhi përdhunuan në grup një vajzë 23 vjeçare, ata jo vetëm e përdhunuan por e rrahën për vdekje. Pas vdekjes së saj më shumë se 100 mijë protestues, të vjetër dhe rinj, burra dhe gra u mblodhën para zyrës së Kryeministrit për të kërkuar drejtësi. Është thelbësore që të gjithë ne burra dhe gra të dalim në mbrojtje të fuqizimit të grave dhe vajzave dhe të kundërshtojmë dhunën, diskriminimin dhe paditurinë”, tha Lu.
