Kandidati republikan për zgjedhjet presidenciale në SHBA, zotohet për një qëndrim të ashpër ndaj shtetit islam dhe terrorizmit në tërësi
Një mesazh kundër myslimanëve është përmbajtja e spotit elektoral të kandidatit republikan për president i SHBA-së, Donald Trump. Në 30 sekonda mesazh elektoral, Tramp thekson qëndrimin e tij për muslimanët, emigracionin dhe terrorizmin.
Kandidati përsërit thirrjen për të ndaluar përkohësisht hyrjen e myslimanëve në Shtetet e Bashkuara të Amerikës dhe zotohet për një qëndrim të ashpër ndaj shtetit islam dhe terrorizmit në tërësi. “Shumë shpejt do të presim kokën e Shtetit Islamik dhe do të marrim naftën e tyre” theksohet në mesazhinelektoral të Donald Trump.
Spoti do të transmetohet fillimisht në Iowa dhe New Hampshire, dy shtete kyçe në garën e brendshme të republikanëve, të cilët do të votohen në konventën e korrikut përpara zgjedhjeve presidenciale të nëntorit. Donad Trump qëndron në krye të sondazheve, më i favorizuari nga 12 kandidatët republikanë për President. Ai njihet për qëndrimet e tij ekstreme në këto muaj të shfaqjes së tij në garën Brenda republikanëve për kandidimin për president i SHBA-ve.
