Edhe pse jemi në mes të sezonit futbollistik, klubet më të mëdha europiane janë përfshirë nga ankthi i drejtimit për sezonin e ardhshëm.
Loja nisi me Bajern Mynih dhe Mançester Junaited.
Fillimisht ishte Pep Guardiola ai që tha se ky është sezoni i fundit nën drejtimin e gjermanit, gjë që bëri që drejtuesit e Bajernit të zyrtarizonin si trajneri për sezonin e ardhshëm italianin Karlo Ançeloti.
Ky i fundit është duke u përgatitur me qetësi për sezonin e ardhshëm, gjë që nuk mund të thuhet për Guardiolën.
Pas zyrtarizmit të Mançester Sitit, se ai do të jetë trajneri i ri i “qytetarëve” sezonin e ardhshëm, ndaj Gurdiolës është shtuar presioni dhe dyshimet.
Kjo, duke qenë se ai duhet të mendojë për të fituar me Bajernin këtë sezon, por edhe të përgatisë ekipin e ardhshëm të Sitit.
Siti nga ana tjetër duket se bëri një gafë me zyrtarizmin e Guardiolës, duke qenë se kjo mund të ulë motivimin e trajnerit aktual Pelegrini, që ka një kontratë me Sitin edhe për vitin e ardhshëm.
Valsi i trajnerëve ka prekur edhe Juventusit, me Alegrin që kërkohet me ngulm nga Çelsi dhe me mediat britanike që thonë se pasuesi i tij te bardhezinjtë do të jetë pikërisht Pelegrini.
Në këtë valle është edhe Mançester Junaited, që sezonin e ardhshëm duhet të zëvendësojë Luis Van Gal.
Emri më i përfolur për zëvendësuesin e tij është Hoze Murinjo.
