Miqtë e 21-vjeçarit Jack Douglas Teixeira, i akuzuar për publikimin e dosjeve të fshehta të shërbimeve sekrete amerikane, thonë se ai nuk është një sinjalizues, sipas BBC.
Pse një aviator relativisht i ri, pa motivim të qartë, do të publikonte dokumente të klasifikuara në internet?
Dosjet, të cilat janë me dhjetëra, përfshinin informacion konfidencial në lidhje me luftën në Ukrainë dhe çështje të tjera të sigurisë kombëtare.
Hetuesit e FBI-së, pa dyshim do të punojnë për të zbuluar motivet e ngjarjes.
Familja e Teixeira ka një histori shërbimi ushtarak dhe miqtë thonë se ai ka dashur prej kohësh të bashkohet me ushtrinë, duke ngritur pyetje të mëtejshme se pse i dyshuari mund të rrezikojë sigurinë kombëtare të SHBA-së duke nxjerrë dosjet.
Njerku i tij doli në pension pas 34 vitesh shërbimi ushtarak, ndërsa nëna e tij më parë punonte për organizata jofitimprurëse të fokusuara te veteranët, sipas LinkedIn dhe të dhënave publike të cituara nga mediat amerikane. Nëna e tij postonte foto të familjes çdo vit për Ditën e Veteranëve.
Familja jeton në North Dighton, Massachusetts, dhe Teixeira u diplomua nga shkolla e mesme atje në vitin 2020. Ai u arrestua jashtë shtëpisë nga agjentë të FBI-së të armatosur rëndë, të enjten.
Fqinjët e përshkruan atë si “ekspert në videolojëra”, dhe se ishte “një fëmijë i mirë, jo ngatërrestar”.
Teixeira dyshohet se së pari zbuloi skedarët në platformën Discord, e cila është e njohur në mesin e lojtarëve.
I njohur si “OG”, ai shihej si drejtuesi i një chatroom-i vetëm me ftesa të quajtur “Thug Shaker Central” që ai krijoi gjatë kulmit të pandemisë së koronavirusit në 2020.
“The Washington Post” raportoi se grupi,i cili kishte rreth 20 anëtarë shkëmbeu meme dhe shaka ofenduese.
Thuhet se ata panë filma së bashku, diskutuan rreth armëve të tyre të preferuara dhe dërguan mesazhe për luftën në Ukrainë.
Një anëtar i bisedës e përshkroi Teixeira një entuziast të ri, karizmatik të armëve.
Fillimisht, dosjet u ruajtën në grupin e bisedës, por në fillim të marsit, anëtarët filluan t’i postonin ato në serverë të tjerë Discord.
“The Washington Post” tha se atyre iu shfaqën video nga një anëtar i grupit të Teixeira, ku thuheshin sharje raciste dhe antisemitike.
Thuhet se ai ka përdorur emra të ndryshëm përdoruesish në internet, si TheExcaliburEffect, jackdjdtex dhe TexKilledYou.
Miqtë e 21-vjeçarit Jack Douglas Teixeira, i akuzuar për publikimin e dosjeve të fshehta të shërbimeve sekrete amerikane, thonë se ai nuk është një sinjalizues, sipas BBC.
Pse një aviator relativisht i ri, pa motivim të qartë, do të publikonte dokumente të klasifikuara në internet?
Dosjet, të cilat janë me dhjetëra, përfshinin informacion konfidencial në lidhje me luftën në Ukrainë dhe çështje të tjera të sigurisë kombëtare.
Hetuesit e FBI-së, pa dyshim do të punojnë për të zbuluar motivet e ngjarjes.
Familja e Teixeira ka një histori shërbimi ushtarak dhe miqtë thonë se ai ka dashur prej kohësh të bashkohet me ushtrinë, duke ngritur pyetje të mëtejshme se pse i dyshuari mund të rrezikojë sigurinë kombëtare të SHBA-së duke nxjerrë dosjet.
Njerku i tij doli në pension pas 34 vitesh shërbimi ushtarak, ndërsa nëna e tij më parë punonte për organizata jofitimprurëse të fokusuara te veteranët, sipas LinkedIn dhe të dhënave publike të cituara nga mediat amerikane. Nëna e tij postonte foto të familjes çdo vit për Ditën e Veteranëve.
Familja jeton në North Dighton, Massachusetts, dhe Teixeira u diplomua nga shkolla e mesme atje në vitin 2020. Ai u arrestua jashtë shtëpisë nga agjentë të FBI-së të armatosur rëndë, të enjten.
Fqinjët e përshkruan atë si “ekspert në videolojëra”, dhe se ishte “një fëmijë i mirë, jo ngatërrestar”.
Teixeira dyshohet se së pari zbuloi skedarët në platformën Discord, e cila është e njohur në mesin e lojtarëve.
I njohur si “OG”, ai shihej si drejtuesi i një chatroom-i vetëm me ftesa të quajtur “Thug Shaker Central” që ai krijoi gjatë kulmit të pandemisë së koronavirusit në 2020.
“The Washington Post” raportoi se grupi,i cili kishte rreth 20 anëtarë shkëmbeu meme dhe shaka ofenduese.
Thuhet se ata panë filma së bashku, diskutuan rreth armëve të tyre të preferuara dhe dërguan mesazhe për luftën në Ukrainë.
Një anëtar i bisedës e përshkroi Teixeira një entuziast të ri, karizmatik të armëve.
Fillimisht, dosjet u ruajtën në grupin e bisedës, por në fillim të marsit, anëtarët filluan t’i postonin ato në serverë të tjerë Discord.
“The Washington Post” tha se atyre iu shfaqën video nga një anëtar i grupit të Teixeira, ku thuheshin sharje raciste dhe antisemitike.
Thuhet se ai ka përdorur emra të ndryshëm përdoruesish në internet, si TheExcaliburEffect, jackdjdtex dhe TexKilledYou.
