Rritja për shkak të fiksimit të nivelit të akcizës
Në tremujorin e parë të vitit 2016 u regjistrua një rritje “surprizë” e zhdoganimit të cigareve. Doganat kanë raportuar se në janar-mars 2016, janë zhdoganuar 180 tonë më shumë krahasuar me të njëjtën periudhë të 2015. Në 3 mujorin e parë 2016 nga doganat kanë kaluar 623 ton cigare, me një mesatare mbi 200 tonë në muaj. Shifra është e kënaqshme po të kemi parasyshë se mesatarja mujore e dy viteve të kaluar nuk ka qenë mbi 150 tonë në asnjë rast. Rritja e zhdoganimit sipas ekspertëve të doganave vjen për shkak të ndalimit të rritjes së akcizës për këtë produkt. Zhdoganimi i cigarave në tre vitet e fundit ka qenë një problem shqetësues për doganat. Kontrabandën e këtij malli e konfirmoi edhe Croun Agents. Përllogaritet se nga kontrabanda e cigareve buxheti i shtetit humbet rreth 50 milion euro në vit.
