Pas deklaratave të Presidentit dhe Ministrisë së Jashtme të Greqisë për ligjin e minoriteteve që kaloi në Kuvend dhe shqetësimit të banorëve në Himarë për banesat që do të prishen ka reaguar sekretarja e përgjithshme e PDIU, Mesila Doda.
Me anë të një statusi në facebook, Doda shkruan se grekët i kërkojnë Shqipërisë respektimin e të drejtave të njeriut dhe vetë flenë mbi fëmijët e pleqtë e vrarë në Çamëri.
Postimi i plotë
Ja përse PDIU edhe po të mos egzistonte do duhej të krijohej 10,100,1000 herë…
Sot gjendeni pa fjalë, pa zë, pa asnjë gram trimërie përballë grekut. Kryetrafikanti egzekutoi mandatin e PDIU ne Tiranë, me shpresë se do ja shiste si koncesion helenizmit grek… i bëri hesapet krejt gabim…
Sot është viktimë e intrigës që stisi ai vetë dhe e ka të kotë të tentojë të fshihet me rolin e patriotit… zhduku çështjen Çame dhe e fali si kontratë me koncension, po Greqia nuk rresht së kërkuari axhendën e vet të megalo – idesë me mbajtjen në fuqi të një ligji lufte të pakuptim, me 5 varreza ushtarësh me marveshje për ujrat po pa marrëveshje për kufijtë e zonat kufitare tokësore e mbi të gjitha duke e trajtuar Himarën si tokë të tyre, kur dihet që nuk ka minoritet grek në atë zonë.
Në vend që ti lutej homologut të tij, sot Ministri i jashtëm do duhej ti dërgonte notë zyrtare Athinës, të lajmëronte Brukselin për shkeljen e procedurave dhe marrëveshjes Schengen. Në mardhënie me Greqinë duhet dinjitet e reciprocitet e jo koncension për të zhdukur çështjen Çame apo të trajtosh qindra qytetarë të bllokuar në kufi pa asnjë pikë dinjitet.
Sot kryeministri i përfshirë deri në fyt në skandalin e trafikut të drogës, duhet thjesht të vazhdojë rolin që nisi… puthadorën e shovinistëve dhe trafikantin peng të krimit…
Kemi një lajm për ty… çështjen Çame nuk e zhduk dot, e nuk e bën dot plaçke këmbimi .
Kjo qeveri zgjodhi edhe një herë ti puthte dorën dhunuesit, me shpresë që do mbulonte krimet dhe trafiqet që ka në kurriz. Ja pse nuk mund të jesh edhe patriot, edhe trafikant…
Patriotizmi nuk është shami që ti të pastrosh fytyrën sa herë ndjehesh pis…
