Të gjithë të festojmë, mandati i Tiranës është i sigurtë, i përket Shpëtim Idrizit
Kështu ka deklaruar deputetja e PDIU-së, Mesila Doda duke theksuar faktin se janë mbi 60 vota të njësisë 5 që nuk janë hedhur në sistem dhe se kanë ankimet për votat e PDIU-së të hedhura gabim në një subjekt tjetër.
Deklarata e plotë
Ta fillojmë me këmbë të mbarë, dua t’iu uroj fitoren anëtarëve të PDIU-së sepse arritëm të dyfishonim numrin e votuesëve tanë në këto zgjedhje, që kanë qenë diskriminuese për ne. Mandati i Tiranës është i Partisë Drejtësi, Integrim dhe Unitet. Zoti Shpëtim Idrizi është deputet i Shqipërisë. Janë mbi 60 vota të njësisë 5 që nuk janë hedhur në sistem dhe kemi ankimet për votat e PDIU-së të hedhura gabim në një subjekt tjetër.
Këto vota janë të mjaftueshme që Idrizi të marrë mandatin. Të gjithë të festojmë, mandati i Tiranës është i sigurtë, është i Shpëtim Idrizit.
Kanë qenë zgjedhje të vështira dhe diskriminuese por na kanë forcuar shumë më tepër dhe mos harroni se kemi “Veç një Atdhe”.
Mandati i Tiranës është i sigurt, gabimet teknike janë njoftuar sapo pata një komunikim me kryetarin e KQZ i cili tha se janë vetëm rezultate paraprake,– tha Doda
