Zbardhen të tjera detaje nga dosja hetimore dhe dëshmia e Rozeta Dobit, pastrueses që fundosi ish-këshilltaren e kryeministrit, Alda Klosin, e cila aktualisht ndodhet pas hekurave e akuzuar për tri vepra penale.
Rozeta Dobi mësohet se ka vendosur së fundmi të bashkëpunojë me drejtësinë dhe iu ka kërkuar oficerëve të policisë gjyqësore që t’i caktohet një avokat kryesisht nga shteti dhe nuk do të mbrohet nga dy avokatët që i ka zgjedhur familja.
Nuk dihet se pse ajo ka hequr dorë nga avokatët e saj, por më herët agjencia BIRN kishte raportuar se avokati i saj ishte Artan Gjermeni, një personazh i akuzuar disa herë nga opozita shqiptare.
Dëshmia e Dobit
“Kam vendosur të bashkëpunoj me policinë. Nuk dua të mbrohem nga avokatët që më ka caktuar familja. Dua të më caktoni një avokat shteti.
Kam filluar punë si pastruese në shtëpinë e Alda Klosit në vitin 2018. Shtëpinë në atë kohë e kishte te ‘Mozaiku’. Aty ka pasur dhe një shtëpi tjetër.
Në vitin 2018 kam konstatuar që në krevatin e saj të mbuluar me batanije kishte lekë dhe euro, shumë të mëdha. I kam marrë dhe i kam sistemuar në sirtar dhe e kam telefonuar Aldën dhe i kam thënë që lekët i ke në sirtar.
Alda Klosi kishte përveç kësaj një shtëpi në ‘Kombinat’, kishte porositur një shtëpi te ‘Kodra e Diellit’ dhe kishte një shtëpi të ndërtuar në truallin e prindërve.
Shpesh Alda lëvizte para, unë nuk kam prekur asgjë. Kur shkoi te apartamenti te ‘Rruga e Kosovarëve’ që u nda nga bashkëshorti, ajo më kërkoi që t’i mbaja këto para. Unë e kam marrë kasafortën, e kam çuar në shtëpinë time me makinën e djalit dhe i kam sistemuar disa nga lekët dhe bizhuteritë. Disa të tjera i kam vendosur te sirtari i dollapit tim për t’i sistemuar më vonë.
Makinat ia kam blerë unë djalit. Njëra ka kushtuar 3 milionë lekë të vjetra. Shuma prej 25.700 eurosh që janë gjetur te komoja e krevatit janë para të punës sime. Ndërkohë shtëpinë e bëra unë rrëmujë, sepse Alda donte të fajësonte për paratë dhe bizhuteritë bashkëshortin, pasi ai e kërcënonte”, ka deklaruar Dobi.
Zbardhen të tjera detaje nga dosja hetimore dhe dëshmia e Rozeta Dobit, pastrueses që fundosi ish-këshilltaren e kryeministrit, Alda Klosin, e cila aktualisht ndodhet pas hekurave e akuzuar për tri vepra penale.
Rozeta Dobi mësohet se ka vendosur së fundmi të bashkëpunojë me drejtësinë dhe iu ka kërkuar oficerëve të policisë gjyqësore që t’i caktohet një avokat kryesisht nga shteti dhe nuk do të mbrohet nga dy avokatët që i ka zgjedhur familja.
Nuk dihet se pse ajo ka hequr dorë nga avokatët e saj, por më herët agjencia BIRN kishte raportuar se avokati i saj ishte Artan Gjermeni, një personazh i akuzuar disa herë nga opozita shqiptare.
Dëshmia e Dobit
“Kam vendosur të bashkëpunoj me policinë. Nuk dua të mbrohem nga avokatët që më ka caktuar familja. Dua të më caktoni një avokat shteti.
Kam filluar punë si pastruese në shtëpinë e Alda Klosit në vitin 2018. Shtëpinë në atë kohë e kishte te ‘Mozaiku’. Aty ka pasur dhe një shtëpi tjetër.
Në vitin 2018 kam konstatuar që në krevatin e saj të mbuluar me batanije kishte lekë dhe euro, shumë të mëdha. I kam marrë dhe i kam sistemuar në sirtar dhe e kam telefonuar Aldën dhe i kam thënë që lekët i ke në sirtar.
Alda Klosi kishte përveç kësaj një shtëpi në ‘Kombinat’, kishte porositur një shtëpi te ‘Kodra e Diellit’ dhe kishte një shtëpi të ndërtuar në truallin e prindërve.
Shpesh Alda lëvizte para, unë nuk kam prekur asgjë. Kur shkoi te apartamenti te ‘Rruga e Kosovarëve’ që u nda nga bashkëshorti, ajo më kërkoi që t’i mbaja këto para. Unë e kam marrë kasafortën, e kam çuar në shtëpinë time me makinën e djalit dhe i kam sistemuar disa nga lekët dhe bizhuteritë. Disa të tjera i kam vendosur te sirtari i dollapit tim për t’i sistemuar më vonë.
Makinat ia kam blerë unë djalit. Njëra ka kushtuar 3 milionë lekë të vjetra. Shuma prej 25.700 eurosh që janë gjetur te komoja e krevatit janë para të punës sime. Ndërkohë shtëpinë e bëra unë rrëmujë, sepse Alda donte të fajësonte për paratë dhe bizhuteritë bashkëshortin, pasi ai e kërcënonte”, ka deklaruar Dobi.
