Kancelari gjerman Olaf Scholz është treguar i kujdesshëm në komentet lidhur me marrëveshjen e nënshkruar në Romë mes Kryeministrave Edi Rama dhe Giorgia Meloni, e cila i hap rrugën ngritjes së kampit të refugjatëve në Shëngjin, ku do të strehohen emigrantët e paligjshëm që do të kapen në brigjet italiane.
“Është emigracioni ilegal, që duhet të reduktohet dhe për këtë do të ketë një bashkëpunim më të ngushtë me vendet jashtë Bashkimit Evropian”, tha Scholz, duke e konsideruar si një çështje kompetencash që u përkasin qeverive italiane dhe shqiptare.
“Besoj se duhet të kemi parasysh se Shqipëria do të jetë së shpejti vend anëtar i BE-së, ndaj dhe po flasim se si të zgjidhim së bashku sfidat dhe problemet në familjen evropiane”, ka deklaruar Scholz.
Sa i përket ecurisë së modelit italo-shqiptar, kancelari ka theksuar se Gjermania do ta ndjekë atë me vëmendje.
“Do ta mbikëqyrim me vëmendje. Ajo që ka rëndësi është ngritja e një mekanizmi solidariteti në BE dhe jo të përpiqemi t’i fitojmë sfidat të vetëm”, ka thënë Scholz nga Malaga, ku mori pjesë në samitin e Partisë Socialiste Evropiane.
Sipas tij, ky është aspekti pozitiv i reformës së sistemit të përbashkët evropian të azilit, që aktualisht po diskutohet nga Parlamenti Evropian dhe që parashikohet të aprovohet përpara fundit të kësaj legjislature.
“Gjermania ka një qëndrim shumë të qartë. Nga njëra anë duhet të reduktojmë flukset ilegale të emigracionit dhe nga ana tjetër kemi nevojë për një emigracion të ligjshëm talentesh dhe krahu pune për të rritur ekonominë tonë dhe për të mbrojtur sistemet tona të sigurisë sociale”, ka shtuar Scholz.
Kancelari gjerman Olaf Scholz është treguar i kujdesshëm në komentet lidhur me marrëveshjen e nënshkruar në Romë mes Kryeministrave Edi Rama dhe Giorgia Meloni, e cila i hap rrugën ngritjes së kampit të refugjatëve në Shëngjin, ku do të strehohen emigrantët e paligjshëm që do të kapen në brigjet italiane.
“Është emigracioni ilegal, që duhet të reduktohet dhe për këtë do të ketë një bashkëpunim më të ngushtë me vendet jashtë Bashkimit Evropian”, tha Scholz, duke e konsideruar si një çështje kompetencash që u përkasin qeverive italiane dhe shqiptare.
“Besoj se duhet të kemi parasysh se Shqipëria do të jetë së shpejti vend anëtar i BE-së, ndaj dhe po flasim se si të zgjidhim së bashku sfidat dhe problemet në familjen evropiane”, ka deklaruar Scholz.
Sa i përket ecurisë së modelit italo-shqiptar, kancelari ka theksuar se Gjermania do ta ndjekë atë me vëmendje.
“Do ta mbikëqyrim me vëmendje. Ajo që ka rëndësi është ngritja e një mekanizmi solidariteti në BE dhe jo të përpiqemi t’i fitojmë sfidat të vetëm”, ka thënë Scholz nga Malaga, ku mori pjesë në samitin e Partisë Socialiste Evropiane.
Sipas tij, ky është aspekti pozitiv i reformës së sistemit të përbashkët evropian të azilit, që aktualisht po diskutohet nga Parlamenti Evropian dhe që parashikohet të aprovohet përpara fundit të kësaj legjislature.
“Gjermania ka një qëndrim shumë të qartë. Nga njëra anë duhet të reduktojmë flukset ilegale të emigracionit dhe nga ana tjetër kemi nevojë për një emigracion të ligjshëm talentesh dhe krahu pune për të rritur ekonominë tonë dhe për të mbrojtur sistemet tona të sigurisë sociale”, ka shtuar Scholz.
