Dy persona kanë rënë në prangat e policisë në qytetin e Divjakës pasi nuk kallëzuan autorët e vjedhjes së bagëtive. Edrian Shehu, 29 vjeç dhe Lulzim Prelezi, 43 vjeç, të dy banues në fshatin Sulzotaj, Divjakë u arrestuan pasi nuk kanë kallëzuar autorët e vjedhjes së bagëtive në pronësi të shtetasit L.Rr, 23 vjeç.
Gjithashtu burime nga policia bëjnë me dije se janë identifikuar dhe dy bashkautorët e tjerë të vjedhjes të cilët janë shpallur në kërkim.
Materialet i kaluan Prokurorisë pranë Gjykatës së Shkallës së Parë Lushnjë për veprën penale “Moskallëzim i krimit” parashikuar nga Neni 300 i Kodit Penal për shtetasit e arrestuar dhe “Vjedhje e kryer në bashkëpunim” për shtetasit e shpallur në kërkim.
