Pasi humbi në 6 bashkitë të vendit, kreu i Partisë Demokratike, Lulzim Basha, ka mbledhur grupin e deputetëve në seli. Deputetët nuk u kanë shpëtuar edhe pyetjeve të gazetarëve që ndodhen në selinë blu.
Një ndër ta ishte deputeti Ervin Salianji, i cili e ka cilësuar si të tmerrshme, ditën e zgjedhjeve të pjesshme vendore të 6 marsit, ku PD u rendit si forcë e tretë, duke arritur të marrë një numër shumë më të vogël votash sesa koalicioni i Sali Berishës me Ilir Metën.
Komenti i shkurtër i Salinajit ishte i vetmi nga deputetët e PD-së, të cilët refuzuan të komentonin, teksa po futeshin në selinë blu për të marrë pjesë në mbledhjen e Bashës me grupin e deputetëve.
