Gjatë paradites Shqipëria do të ndikohet nga kthjellimet dhe vranësirat e shpeshta. Ndërkohë pjesa e dyte e ditës pritet që të sjellë zhvillim të përkohshëm të vranësirave. Ato do të ndodhin kryesisht në zonat veriore dhe pjesërisht ato qendrore duke gjeneruar reshje të pakta shiu.
Temperaturat e ajrit do të ulen lehtë në mëngjes, por do të vijojnë të rriten në mesditë duke luhatur vlerat ditore nga 2°C deri në 19°C.
Era do të fryjë mesatarisht me shpejtësi 30 km/h nga drejtimi Lindor –Juglindor duke krijuar në brigjet detare dallgëzim 1 – 2 ballë.
Rajoni dhe Europa
Masat ajrore të paqëndrueshme do të vijojnë të diktojnë kushtet e motit në pothuajse gjithë kontinentin Europian, duke sjellë reshje dëbore në gadishullin Skandinav dhe pjesërisht Europën Qëndrore. Gjithashtu në mbizotërimin e vranësirave dhe reshjeve të shiut paraqitet Europa Perëndimore dhe Jugore. Ndërsa në dominimin e motit të qëndrueshme do të jetë Lindja e kontinentit.
Kosova
Republika e Kosovës pritet të jetë në mbizotërimin e vranësirave të shumta të cilat parashikohet të zhvillohen herë pas here duke gjeneruar reshje të pakta. Reshjet në Kosovë do të jenë shiu dhe dëbore në zona të izoluara.
Maqedonia e Veriut
Maqedonia e Veriut mbetet në dominimin e kushteve të qëndrueshme atmosferike duke sjellë përgjatë gjithë 24 orëshit alternime kthjellimesh dhe vranësirash. Pjesa e parë e ditës do të ketë orë të shumta me diell. Ndërsa pasditja dhe mbrëmja do të shtojnë vranësirat.
The post Dita nis me ulje temperaturash, por mesdita rezervon surpriza appeared first on 27.
