Kreu i Shtëpisë së Lirisë, Ilir Meta ka reaguar me një mesazh në Ditën Ndërkombëtare të Demokracisë. Në një postim në Facebook, Meta shprehet se zgjidhja nuk është largimi nga vendi por përballja me “të keqen” siç e konsideron ai qeverinë.
Postimi i Metës:
Mbrojtja e demokracisë është sot një detyrë patriotike. Zgjidhja nuk është largimi nga vendi, as nënshtrimi, por përballja me të keqen, që ka kapur për fyti Shqipërinë!
Dita Ndërkombëtare e Demokracisë na gjen sot në betejë dhe në krye të misionit të përbashkët historik: Të shpëtojmë demokracinë nga pengmarrja e një pakice të inkriminuar dhe të korruptuar!
Kjo është beteja jonë, e njerëzve të lirë, të ndershëm dhe punëtorë, e rinisë tonë të mrekullueshme! Koha nuk pret! Demokracia, Liria dhe Dinjiteti Njerëzor janë të panegociueshme!
