Me rastin e 8 Dhjetorit, Ditës së Rinisë, Bashkia e Tiranës ka organizuar një “përballje brezash”, mes ish-studentë të viteve ‘90, që morën pjesë në lëvizjen për rrëzimin e regjimit komunist, dhe me të rinj të lindur në Dhjetor ’90 dhe gjimnazistët e sotëm.
Ish-studentët të Dhjetorit ‘90, Pandeli Majko, Mesila Doda, Ilir Dizdari, Bislim Ahmetaj dhe Blendi Gonxhe sollën për të pranishmit momentet dhe ëndrrat e rinisë së asaj kohe.
Takimin e përshëndeti edhe kryetari i Bashkisë së Tiranës, Erion Veliaj, theksoi se rinia e asaj kohe mori përsipër që t’i përgjigjej nevojës së shqiptarëve për ndryshim, duke mos marrë parasysh rrezikun që mund t’i vinte nga regjimi, që ende ishte në këmbë.
Gjithashtu kryebashkiaku tha se dhjetoristët dhe guximi i tyre për të ndryshuar një situatë që dukej e pandryshueshme, duhet t’u shërbejë të rinjve në çdo kohë për të kontribuar dhe për të qenë aktiv për një shoqëri më të mirë.
