Së paku 43 palestinezë mbetën të vrarë dhe rreth 2200 të tjerë u plagosën pasi tentuan të kalojnë rrethimet kufitare që ndajnë Izraelin nga Gaza.
Megjithatë, kjo ditë e përgjakshme nuk e ndali hapjen e Ambasadës Amerikane në Jeruzalem. Ambasada u hap në orën 16:00 me atë lokale, me pjesëmarrjen e Sekretarit amerikan të Thesarit, Steven Mnuchin, vajzës së presidentit Trump, Ivanka, dhe bashkëshortit të saj, Jared Kushner, mes shumë figurave të tjera të shquara, sikurse edhe një kontigjent ligjvënësish republikanë.
