Protesta e banorëve të Zharrëzës ka hyrë në ditën e tretë të saj. Ata kanë kaluar natën përpara derës së Ministrisë së Energjitikës. Edhe pse moti nuk ishte në favorin e tyre, ata nuk janë dorëzuar dhe kanë qëndruar aty, duke e kaluar natën të mbuluar më plasmasë.
Më herët protestuesit patën një takim me zëvendëskryeministrin Niko Peleshi ku morën premtimin që problemi i tyre do të gjejë zgjidhje, por ata vijojnë që të protestojnë pasi siç thonë kanë vite që marin premtime boshe.
Banorët shprehen se janë të vendosur që të qëndrojnë aty, derisa çdo gjë të bëhet zyrtare dhe mos të mbesë në kuadrin e premtimeve elektorale.
Protestuesit e Zharrës ecën në këmbë për pesë ditë për të ardhur nga Fieri në Tiranë. Ata janë vendosuar që prej ditës së shtunë përpara Ministrisë së Energjitikës, ku po protestojnë, pasi u janë shkatërruar shtëpitë dhë tokat e tyre nga kompania e naftës “Bankers Petroleum”.
