Sot në të gjithë Shqipërinë po zhvillohen aktivitete sensibilizuese në përkujtim të ditës botërore të viktimave të aksidenteve rrugore.
Policia e Shtetit ka ndërmarrë një fushatë sensibilizimi, ndërsa punonjësit e rendit dhuruan gjak për të plagosurit në rrugë.
Në orën 12:00 u kërkua që të ndalen automjetet për një minutë në shenjë respekti për ata që humbën jetën në aksidente.
Ndërsa në disa akse rrugore Ministria e Brendshme ka menduar të tërheqë vëmendjen e drejtuesve të mjeteve që të respektojnë rregullat në qarkullim duke vendosur mjete të dëmtuara nga aksidentet, por dhe postetar ku shfaqen foto të mëdha të familjarëve që kanë humbur të afërm në aksidente rrugore bashkë me një mesazh sensibilizues për të respektuar rregullat e qarkullimit rrugor.
