Nga Bujar Kapexhiu
Isha regjisor në Estradën e shtetit. Në zyrë hyn miku im Shtjefën Palushi, karikaturisti i njohur Tefa i shoqëruar nga një person trupmadh që u prezantua me emrin Mërgim Mujo.
“Unë, vazhdoi trupmadhi, kam ardhur me mikun tuaj Tefë se dua të dal në një shfaqje të estradës si imitator. Unë imitoj vegla muzikore, klarinetë, gajde, dajre e daulle por më bukur imitoj kafshët, bëj si gjel, pulë kur bën vezë, mac qen, kalë, gomar kur ngjitet në të përpjetë, i ngarkuar edhe kur pjerdh nga sikleti, bëj si ujk, bëj si…”.
Këtu e ndërpreu Tefa:
“Ky din me ba si tan kafshët, vetëm si njeri nuk din me ba”.
Qeshëm të tre. Sot që e kujtova këtë takim, në mendjen time u formulua një ide aktuale me kryeministrin tim. Ai di të bëjë si student, si piktor, si pedagog, si basketbollist, si prind, di të bëjë si kryeministër, por nuk di të bëjë si njeri.
