Në këto ditë festash vëmendja e shumë institucioneve është për njerëzit në nevojë. Edhe nëse ata janë harruar gjatë gjithë vitit, në fundvit u kushtohet vëmendje dhe u jepen dhurata.
Ata që thuajse janë inekzistentë për shkak të ngujimit që bëhet më I dukshem kur askush nuk kujtohet për ta. Thuajse askush, pasi disa ndihma u janë ofruar këtë fundvit të ngujuarve në Malësinë e Shkodrës.
“Një gjest fisnik dhe humanitar i Agjencisë Choose Balkans nga Tirana, e cila në këto ditë dimri dhe në prag të festës së Vitit të Ri po iu ofron ndihma me ushqime, veshmbathje dhe libra familjeve të Malësisë së Shkodrës, fëmijët e të cilave janë ngujuar për shkak të hakmarrjes”, shkruan Nëntor Oseku.
