Lojtari i kombëtares franceze Jusuf Fofana ka një histori të pabesueshme jete edhe pse ende i ri dhe do të ketë mundësinë të luajë në finalen e Botërorit të dielën.
Është vetëm 23 vjeç, është lojtarë i Monakos, ndërsa me kombëtaren ka debutuar tre muaj më parë.
Në fund të shtatorit të këtij viti, në ndeshjet e Ligës së Kombeve kundër Austrisë dhe Danimarkës, ai regjistroi minutat e para në skuadrën A të Francës dhe tashmë e pret loja për titullin kampion bote.
Në Katar ka hyrë në lojë si rezervë në ndeshjet kundër Australisë, Danimarkës dhe Polonisë, ndërsa kundër Tunizisë ka luajtur 73 minuta.
Në gjysmëfinale kundër Marokut, ai papritmas pati një shans për të zëvendësuar Adrien Rabiot, i cili nuk mundi të luante për shkak të gripit dhe Fofana e shfrytëzoi maksimalisht.
Ai luajti një ndeshje fenomenale, ishte i shkëlqyer në mesin e fushës dhe kontribuoi seriozisht në fitoren e Francës.
Megjithatë, fillimi i tij nuk ishte aspak i lehtë.
Fofana e kaloi një pjesë të futbollit të tij duke u rritur në akademinë e “Yllit të Kuq” francez, nga ku i thanë se nuk ishte mjaftueshëm i mirë dhe se duhej ta bënte rrugën diku tjetër.
Ndërsa përpiqej të depërtonte, duhej të menaxhonte edhe të ardhurat e tij, kështu që për një kohë ai punoi si shpërndarës picash.
“Ishte mënyra më e mirë për të fituar para për të përmbushur ëndrrat e mia. Kisha dyshime se a do t’ia dilja mbanë” – tha në një rast Fofana.
Futbollisti i ri në vitin 2017 ka ardhur nga liga e ulët Drancy në ekipin e të rinjve të Strasburgut dhe ka luajtur për seniorët e këtij klubi në sezonet 2018/19 dhe 2019/20. Ai mbërriti në Monako në dimrin e vitit 2020 dhe që atëherë ka qenë një lojtar standard i ekipit të parë.
