Rreth 1 hektarë ullishte janë djegur gjatë natës në Samurr të Elbasanit.
Mësohet se vatra e zjarrit u shfaq rreth orës 22:00 të mbrëmjes së djeshme dhe ishte aktive deri në orët e para pas mesnatës.
Për shuarjen e flakëve u aktivizuan 13 punonjës të shërbimit zjarrfikës të Elbasanit dhe dhjetra banorë të zonës.
Zjarri pati përhapje me shpejtësi në një sipërfaqe mjaft të madhe duke shkaktuar dëme të konsiderueshme.
Dyshohet se zjarri ka qenë i qëllimshëm, ndërsa policia po heton për të identifikuar autorët dhe kapjen e tyre.
