Policia e Dibrës ka arrestuar 3 persona që shpërndanin drogë në shkolla dhe lokale.
Gjatë operacionit të koduar “Dushaj”, u vunë në pranga shtetasit me iniciale Sh. D., 23 vjeç, banues në Dushaj, A.Gj., 24 vjeç, banues në Qytet i Ri Bulqizë dhe G. D., 30 vjeç, banues në Qytet i Vjetër, Vajkal, Bulqizë.
Mësohet se 23-vjeçari SH.D., merrej me shpërndarje të lëndëve narkotike në doza të vogla në afërsi të shkollave si dhe përgatitej për të kultivuar bimë narkotike.
Materialet i’u referuan Prokurorisë Pranë Gjykatës së Shkallës së Parë Dibër, për veprime të mëtejshme.
