Dy të mitur janë plagosur gjatë një aksidenti. Ngjarja ka ndodhur në aksin rrugor Dohoshisht –Luzni, ku B.D dhe M.D 12 vjeç kanë qenë duke lëvizur me biçikletë, por pasi humbën kontrollin ata janë përplasur me një makinë.
Policia sqaron se: “Në aksin rrugor Dohoshisht -Luzni, në një dyshezë kanë qenë duke lëvizur në një biçikletë dy shtatas të mitur konkretisht shtetasi B.D, dhe M.D 12 vjeç. Ndërsa një mjet tip “Renault”, me targa AA 035 FP me drejtues shtetasin F.K, ka qenë duke u ngjitur në malore. Dy shtetasit e mitur nuk kanë arritur të mbajnë ekuilibrin dhe të frenojnë biçikletën dhe për pasojë janë përplasur me mjetin Renaul që ishte në ngjitje.
Drejtuesi i mjetit është përpjekur të shmangë përplasjen duke dalë në anë të rrugës pasi rruga ishte me bordurë anash dhe skishte mundësi të shmangej më tepër. Të dy fëmijët janë përplasur me kofanon dhe xhamin e parë të mjetit. Drejtuesi i mjetit ka ndaluar menjëherë dhe u ka dhënë ndihmën e parë duke i dërguar menjëherë në spitalin e Peshkopisë për ndihmë mjeksore, si dhe ka njoftuar Policinë për aksidentin e ndodhur. Shtetasi M.D është transportuar për në Tiranë për ndërhyrje më të specializuar, ndërsa shtetasi tjetër i mitur B.D ka pësuar dëmtime të lehta dhe ndodhet në spitalin e Peshkopisë.”
