Banorët e Katundit të Ri dhe fshatrave të tjera të Dibrës që preken nga projekti i hidrocentralit të dhënë me koncesion për një kompani turke kanë protestuar kundër projektit.
Janë mbledhur pikërisht në vendin ku mendohet të diga. Banorët e fshatrave të Dibrës kanë nisur protestat kundër projektit për ndërtimin e një hidrocentrali mbi Drin në vendin e quajtur Katundi i Ri. Ata janë shprehur se projekti në fjalë është ogurzi për të ardhmen e tyre dghe të familjeve të tyre dhe se ai në mënyrë të cuditshme ka ardhur në një kohë që dibranët prisnin ndërtimin e Rrugës së Arbërit. Banorët u shprehën të shqetësuar për tokat e tyre, pemtarinë, por edhe pasuritë kulturore të zonës. Aty, thanë ata, ka vendbanime ilire, kisha të vjetra, kulla dhe xhami të shumë shekujve më parë. Aty ndodhen edhe varret e të parëve, por më shqetësuese për banorët është shpërngulja e madhe e popullësisë nga zona që do përmbytet nga liqenet.
“Të japësh me konçesion një vepër apo t’i shesësh një copë tokë një shteti të huaj pa dijeninë e pronarëve dhe Parlamentit është shkelje e rëndë e Kushtetutës”, deklaroi Nazmi Drizi, kryetar i Shoqatës së Luginës së Drinit të Zi. Në mbështetje të banorëve të zones kanë qenë edhe deputetë të opozitës.
