Prej 4 ditësh një 36-vjeçare nga Dibra është larguar nga banesa ndërsa familjarët dyshojnë se ajo mund të jetë mbytur në Rezervuarin e Grezhdanit.
Vëllai i saj, shtetasi T.K. ka bërë kallëzimin në polici i cili shprehet se motra është larguar nga banesa që nga data 13 qershor.
Menjëherë policia e Dibrës ka nisur kërkimet për gjetjen e saj, ku gjatë ditës së djeshme kanë ardhur në ndihmë edhe Polumbarët e Reneas duke kontrolluar në Rezervuarin e Grezhdanit.
Shtetasja e humbur vuante nga depresioni dhe mjekohej për këtë. Nga kërkimet e deritanishme nuk është bërë e mundur gjetja e saj.
