Ka shumë dilema Masimiliano Alegri në prag të ndeshjes me Atletikon, i cili duhet t’i bëjë llogaritë me disa mungesa të rëndësishme dhe me humbjen 2-0 në ndeshjen e parë. Mediat italiane bëjnë me dije se trajneri mund t’i besojë skemës 3-5-2, për të pasur një mesfushë të ngjeshur dhe sulm nga krahët për të goditur spanjollët.
Në këtë pikë, Paulo Dibala është ai që sakrifikohet dhe ka betejë në distancë për një fanellë titullari me Bernardeskin, ku ky i fundit shihet më i avantazhuar. Ronaldo dhe Manxukiç do të luajnë në sulm dhe do të mbështeten nga Kanselo, Matuidi, Pjaniç e Emre Xhan. Formacioni i ri i ofron një fanellë titullari mbrojtësit Kaseres, i cili do të rreshtohet përkrah Kielinit dhe Bonuçit. Në orët e fundit u dëmtua sërish Duglas Kosta, i cili nuk do të jetë gati për ndeshjen e sotme.
/panoramasport/
