Atletja shqiptare Luiza Gega është dëmtuar e për pasoj është tërhequr nga gara 3000 m pengesa.
Në mitingun e “Diamond League”, Shanghai 2017, Gega u përplas me një atlete kundërshtare në kalimin e një prej pengesave, duke humbur terren nga kreu. Kur kaloi thuajse gjysma e garës dhe ishte e pamundur të rivalizonte për vendet e para, atletja dibrane u tërhoq nga pista.
Gega ishte një prej tre sportisteve që nuk arritën ta mbyllin garën. Ndërsa fituese e garës së 3,000 metrave me pengesa u shpall Ruth Jebet që përfaqësonte Bahreinin, e cila vendosi edhe rekord të mitingut me kohën 9 minuta 4 sekonda 78 të qindtat.
