Kryeministri i vendit, Edi Rama ka theksuar edhe një herë se taksa ndaj mallrave serbe duhet të pezullohet që të nisë dialogu mes Kosovës dhe Serbisë.
Në një intervistë për televizionin serb “Pink”, Rama gjithashtu ka folur edhe për marrëdhënien e tij me presidentin Vuçiç duke u shprehur se ata bisedojnë për një gjë për të cilën nuk bien dakort.
Ndërsa për kufijtë nuk ka pranuar të flasë duke thënë vetëm se Kosova dhe Serbia duhet të bashkohen në Europë.
“Jam në shënjestër si nga Ramushi ashtu nga miqtë në Beograd. As kancelaria Merkel as presidenti i Francës, as unë nuk kemi bërë presion të hiqen taksat, po të pezullohet që të bëhet e mundur nisja e bisedimeve.
Një gjë e çmuar në raportin tonë është se jemi pajtuar me atë që nuk jemi pajtuar, pra bisedojmë hapur dhe në mënyrë miqësore dhe jetojmë me mospajtimin tonë”, tha Rama për televizionin serb.
