Dhunoi nënën dhe i vodhi lekët, arrestohet 21-vjeçari në Tiranë

0
73

Një ngjarje e rëndë është regjistruar në Tiranë, ku një 48-vjeçare është dhunuar nga djali i saj, i cili më pas i ka vjedhur dhe lekët për të blerë lënë narkotike.

Policia njofton se A. P., 21 vjeç, e kishte dhunuar dhe i kishte vjedhur një shumë parash mamasë së tij, për të blerë lëndë narkotike të fqinji i tyre, i cili gjithashtu ka përfunduar në pranga.

“Specialistët për Hetimin e Krimeve në Komisariatin e Policisë Nr. 3, pas kallëzimit të marrë nga shtetasja A. P., 48 vjeçe, se djali i saj, shtetasi A. P., 21 vjeç, e kishte dhunuar dhe i kishte vjedhur një shumë parash, për të blerë lëndë narkotike të fqinji i tyre, shtetasi F. Sh., kanë organizuar menjëherë punën dhe kanë shoqëruar në ambientet e Policisë, shtetasin A. P. dhe shtetasin F. Sh. Në vijim të veprimeve, gjatë kontrollit të banesës së shtetasit F. Sh., shërbimet e Policisë gjetën dhe sekuestruan, në cilësinë e provës materiale, një sasi lënde të dyshuar narkotike, të llojit kokainë. Në përfundim të veprimeve hetimore u arrestuan në flagrancë shtetasit: A. P., 21 vjeç, banues në Tiranë, për veprat penale “Dhuna në familje” dhe “Vjedhja”; dhe F. Sh., 64 vjeç, për veprën penale “Prodhimi dhe shitja e narkotikëve”, njofton policia.