Pas golit të shënuar nga skuadra mike e Delvinës, është ndërprerë ndeshja e Kategorisë së Dytë midis Shkumbinit dhe Delvinës.
Kjo për shkak të dhunës që ka shpërthyer ndërmjet dy pankinave, ku janë përfshirë edhe lojtarët e të dyja skuadrave.
Eshtë dashur ndërhyrja e forcave të rendit të Peqinit për të qetësuar situatën, por gjyqtari e ka pare të pamundur vazhdimin e takimit dhe e ka ndërprerë atë.
Policia njoftoi se ka proceduar shefin e klubit të futbollit të KF Shkumbini dhe trajnerin e klubit të futbollit të KF Delvina.
Njoftimi
“Komisariati i Policisë së Peqinit, në bashkëpunim me Policinë Bashkiake të Peqinit, kishin marrë të gjitha masat për të garantuar rendin dhe sigurinë, para, gjatë dhe pas përfundimit të ndeshjes së futbollit ndërmjet ekipeve KF Shkumbini dhe KF Delvina, e cila filloi në orën 13:00, në stadiumin e qytetit të Peqinit.
Masat për sigurinë brenda stadiumit i kishte marrë Policia Bashkiake, ndërsa shërbimet e Komisariatit të Policisë Peqin, sipas regullores, kishin marrë masa për sigurinë në perimetrin e jashtëm të stadiumit.
Gjatë zhvillimit të ndeshjes, në momentin kur ekipi i Delvinës shënoi gol, stafi i ekipit të Shkumbinit është konfliktuar me stafin e ekipit të Delvinës dhe për këtë arsye arbitri kryesor ka ndërprerë ndeshjen.
Menjëherë, shërbimet e Komisariatit të Policisë së Peqinit dhe shërbimet e Forcës së Posaçme “Shqiponja” të DVP Elbasan, që ndodheshin në sigurimin e perimetrit të jashtëm të stadiumit, kanë ndërhyrë në stadium, duke parandaluar përshkallzimin e konfliktit dhe kanë bërë sigurimin e të dy ekipeve, KF Delvina dhe KF Shkumbini.
Në vijim të veprimeve hetimore të kryera, specialistët për hetimin e krimeve të Komisariatit të Policisë në Peqin, proceduan penalisht për veprën penale “Kanosja për shkak të detyrës”, shtetasit F.H., 52 vjeç, banues në Peqin, me detyrë shef i klubit të futbollit të KF Shkumbini dhe shtetasin A.G. 66 vjeç, banues në Delvinë, me detyrë, trajner i klubit të futbollit të KF Delvina.
Ndërkohë, shërbimet e Policisë, pas vendimit të arbitrit për mos rifillimin e ndeshjes, kanë bërë shoqërimin, deri në dalje të territorit të qarkut Elbasan, të lojtarëve dhe të stafit të ekipit të Delvinës,”- thuhet në njoftimin e policisë së Peqinit.
Pas golit të shënuar nga skuadra mike e Delvinës, është ndërprerë ndeshja e Kategorisë së Dytë midis Shkumbinit dhe Delvinës.
Kjo për shkak të dhunës që ka shpërthyer ndërmjet dy pankinave, ku janë përfshirë edhe lojtarët e të dyja skuadrave.
Eshtë dashur ndërhyrja e forcave të rendit të Peqinit për të qetësuar situatën, por gjyqtari e ka pare të pamundur vazhdimin e takimit dhe e ka ndërprerë atë.
Policia njoftoi se ka proceduar shefin e klubit të futbollit të KF Shkumbini dhe trajnerin e klubit të futbollit të KF Delvina.
Njoftimi
“Komisariati i Policisë së Peqinit, në bashkëpunim me Policinë Bashkiake të Peqinit, kishin marrë të gjitha masat për të garantuar rendin dhe sigurinë, para, gjatë dhe pas përfundimit të ndeshjes së futbollit ndërmjet ekipeve KF Shkumbini dhe KF Delvina, e cila filloi në orën 13:00, në stadiumin e qytetit të Peqinit.
Masat për sigurinë brenda stadiumit i kishte marrë Policia Bashkiake, ndërsa shërbimet e Komisariatit të Policisë Peqin, sipas regullores, kishin marrë masa për sigurinë në perimetrin e jashtëm të stadiumit.
Gjatë zhvillimit të ndeshjes, në momentin kur ekipi i Delvinës shënoi gol, stafi i ekipit të Shkumbinit është konfliktuar me stafin e ekipit të Delvinës dhe për këtë arsye arbitri kryesor ka ndërprerë ndeshjen.
Menjëherë, shërbimet e Komisariatit të Policisë së Peqinit dhe shërbimet e Forcës së Posaçme “Shqiponja” të DVP Elbasan, që ndodheshin në sigurimin e perimetrit të jashtëm të stadiumit, kanë ndërhyrë në stadium, duke parandaluar përshkallzimin e konfliktit dhe kanë bërë sigurimin e të dy ekipeve, KF Delvina dhe KF Shkumbini.
Në vijim të veprimeve hetimore të kryera, specialistët për hetimin e krimeve të Komisariatit të Policisë në Peqin, proceduan penalisht për veprën penale “Kanosja për shkak të detyrës”, shtetasit F.H., 52 vjeç, banues në Peqin, me detyrë shef i klubit të futbollit të KF Shkumbini dhe shtetasin A.G. 66 vjeç, banues në Delvinë, me detyrë, trajner i klubit të futbollit të KF Delvina.
Ndërkohë, shërbimet e Policisë, pas vendimit të arbitrit për mos rifillimin e ndeshjes, kanë bërë shoqërimin, deri në dalje të territorit të qarkut Elbasan, të lojtarëve dhe të stafit të ekipit të Delvinës,”- thuhet në njoftimin e policisë së Peqinit.
