Ministerja e Arsimit ultimatum krerëve të arsimit në rrethe në se konstatohet dhunë nga mësuesit pushohen bashkë me drejtorin
Ministrja e Arsimit, Lindita Nikolla mblodhi sot krerët e drejtorive arsimore në të gjntiha qarqet për të diskutuar rreth dhunës së mësuesve ndaj fëmijëve në shkolla. Nisur nga ngjarja e fundit e ndodhur në Bulqizë, Lindita Nikolla, ka mbledhur me urgjencë të gjithe drejtorët rajonal të arsimit dhe ju ka komunikuar në mënyre ultimative, që brenda një muaj, secili prej tyre personalisht duhet të inspektojë secilën shkollë nën juridiksionin e tyre dhe çdo problem duhet ta relatojnë në mënyre të përditshme në Ministrinë e Arsimit dhe të Sportit.
Nuk do të tolerohet asnjë drejtor shkolle i cili nuk ka performuar në menaxhimin e institucionit shkollor dhe ka lejuar shkelje apo sjellje që bien ndesh me udhezimet e MAS.
“Ai drejtor rajonal i cili nuk realizon këtë detyrë në mënyre të përditshme dhe sipas afateve të vendosura apo toleron shkelje të konstatuara, largohet në mënyrë të menjëhershme nga puna”, mësohet t’i ketë thënë Nikolla drejtuesve të DAR.
