Drejtori i Kufirit dhe Migracionit në Gjirokastër Idajet Hoxha gjatë një takimi në prefekturë pohoi se fluksi i refugjatëve ka shënuar rritje përgjatë muajve të fundit.
Sipas tij, vetëm në dy ditë kanë hyrë nga Kakavija 65 refugjatë të cilët janë dërguar drejt qendrës së pritjes në Tiranë.
Mediat pohojnë se Greqia dhe Shqipëria janë synimi i dhjetëra mijëra emigranteve nga Turqia që tentojnë të kalojnë kufirin në mënyrë ilegale. Një pjesë e këtyre njerëzve mund të mbeten në këto vende, ndërsa të tjerë do të vijojnë udhëtimin drejt perëndimit të Evropës.
