Propozimi është nëshkruar nga deputetët Hafizi, Blushi, Selami, Dade, Shehi, Muhedini, Ndoka, Arapi, Dule, Duka
Dhjetë deputetë të mazhorancës dhe opozitës kanë paraqitur pranë kuvendit, nismën për ndryshime në kushtetutë në thelbin e të cilave është propozimi për zgjedhjen e presidentit nga populli.
Propozimi për ndryshimet në kushtetutë është nënshkruar nga deputetët Ben Blushi e Mimoza Hafizi më pas janë shtuar në këtë listë deputetja socialiste Arta Dade, deputeti demokrat Eduard Selami, kreu i PAA-së Agron Duka, kreu i PBDNJ-së Vangjel Dule, deputeti i PDIU-së Tahir Huhedini, Kreu i PDK-së Nard Ndoka, kreu i LZHK-së Dashamir Shehi dhe deputetja socialiste Luljeta Arapi.
Me amendamentin e parë kushtetues, deputetët kërkojnë zgjehdjen e presidentit nga populli duke argumentuar se: “ Një President i zgjedhur nga populli, dhe jo nga Kuvendi, do të jetë figurë e pavarur nga politika e ditës dhe përfaqësues i unitetit të popullit në ushtrimin e detyrave të tij të rëndësishme kushtetuese. Ne nuk kërkojmë ndryshimin e kompetencave të Presidentit, kërkojmë vetëm ndryshimin e mënyrës së zgjedhjes së tj. Në shumë vende të botës, që nga SHBA e Franca, por edhe Mali i Zi, Turqia, Sllovenia, Serbia, Rumania, Kroacia, Bullgaria, Polonia, Moldavia, Maqedonia, etj., Presidenti i Republikës zgjidhet nga populli”, shkruan Hafizi në facebook.
Propozimi i dytë është ndryshimi i kushtetutës me 2/5 e kuvendit dhe jo me 2/3 e kuvendit. Ja si e argumentojnë këtë propozim: Me amendamentin e dytë kushtetues, ne kërkojmë që popullit t’i bëhet e mundur të ndryshojë Kushtetutën e vendit. Me Kushtetutën aktuale, këtë të drejtë populli e merr vetëm nëse bëhen bashkë 94 deputetë, ose 2/3 e parlamentit. Por 94 deputetë është e vështirë të bien dakord. Edhe kur bien dakord, preferojnë ta ndryshojnë kushtetutën vetë, pa pyetur popullin, siç ka ndodhur në vitin 2008. Ne kërkojmë që ky numër të ulet në 2/5, pra në 56 deputetë.
Dhjetë deputetët propozojnë gjtihashtu që reforma në drejtësi të miratohet nga Popuilli, me referendum. Të parët që propozuan ndryshime në kushtëtutë për zgjehdjene presidentit nga populli, ishin deputetët e PDIU-së Shpëtim idrizi e Mesila Doda.
