Dosja e vjedhjes së parave në shtëpinë me qira të ish-zyrtares së lartë në Kryeministri, Alda Klosi (Çiko) po hetohet nga Seksioni i Posaçëm kundër korrupsionit në Prokurorinë e Tiranës, me në krye prokuroren Mirela Zavalani. Përveç kallëzimit ndaj pastrueses Rozeta Dobi, që është bërë nga vetë Klosi, prokuroria po heton dhe ish-zyrtaren e lartë për burimin e parave që iu vodhën, mbi 120 mijë euro. Alda Klosi (Çiko), pritet të verifikohet për akuzën e “Fshehjes së të ardhurave” dhe “Mosdeklarim të pasurisë” pranë Inspektoriatit të Lartë të Deklarimit të Pasurive në Tiranë.
Zyrtarja e Ministrisë së Rindërtimit dhe Programit të Reformave njëherësh këshilltare pranë Këshillit të Ministrave, hyn në kategorinë e punonjësve të administratës, që ka detyrim të deklarojë pasurinë e saj pranë ILDKPI dhe ka një limit për mbajtjen e parave ‘cash’ në shtëpi, që nuk duhet të kalojë shofrën e 10 milionë lekëve të vjetra. Mbi këtë vlerë, gjithçka duhet të ketë një faturë që të vërtetojë burimin.
Pastruesja e Alda Klosit, Rozeta Dobi arriti të vjedhë në bashkëpunim me të birin, Havier Dobi, një shumë të konsiderueshme parash në vlera të ndryshme. Më konkretisht: 524.800 euro, 8500 dollarë dhe 368.000 lekë të rinj si dhe bizhuteri florid he për këto para, deri më tani nuk rezulton të jetë publikuar ndonjë faturë.
Banesa në fjalë ndodhet në Rrugën e Kosovarëve dhe ishte marrë me qira nga Klosi. Denoncimi nga ish-zyrtarja është bërë më datë 15 dhjetor, por nuk dihet konkretisht se kur ka ndodhur vjedhja, goditja e Policisë së Shtetit erdhi vetëm tre ditë më parë, kur vuri në pranga pastruesen dhe të birin. Dyshja e kanë pranuar vjedhjen, ndërsa sot, në shtëpinë e tyre, policia gjeti dhe 400 mijë euro të fshehura në tubin e aspirimit.
Pastruesja, sipas raportimeve të deritanishme, kishte hyrë në banesë me çelësin që i kishte lënë Klosi për ta pastruar dhe kishte vjedhur para në interval të ndryshme kohore, por ditën e fundit kishte hapur derën me forcë dhe kishte bërë rrëmujë në banesë, për të inskenuar një grabitje. Gjithçka është zbuluar nga kamerat e sigurisë. Vetë ish-zyrtarja thotë se paratë i kishte ruajtur për të kuruar xhaxhain e saj, që e kishte me kancer dhe të shtruar në një spital në Shtetet e Bashkuara të Amerikës.
Dosja e vjedhjes së parave në shtëpinë me qira të ish-zyrtares së lartë në Kryeministri, Alda Klosi (Çiko) po hetohet nga Seksioni i Posaçëm kundër korrupsionit në Prokurorinë e Tiranës, me në krye prokuroren Mirela Zavalani. Përveç kallëzimit ndaj pastrueses Rozeta Dobi, që është bërë nga vetë Klosi, prokuroria po heton dhe ish-zyrtaren e lartë për burimin e parave që iu vodhën, mbi 120 mijë euro. Alda Klosi (Çiko), pritet të verifikohet për akuzën e “Fshehjes së të ardhurave” dhe “Mosdeklarim të pasurisë” pranë Inspektoriatit të Lartë të Deklarimit të Pasurive në Tiranë.
Zyrtarja e Ministrisë së Rindërtimit dhe Programit të Reformave njëherësh këshilltare pranë Këshillit të Ministrave, hyn në kategorinë e punonjësve të administratës, që ka detyrim të deklarojë pasurinë e saj pranë ILDKPI dhe ka një limit për mbajtjen e parave ‘cash’ në shtëpi, që nuk duhet të kalojë shofrën e 10 milionë lekëve të vjetra. Mbi këtë vlerë, gjithçka duhet të ketë një faturë që të vërtetojë burimin.
Pastruesja e Alda Klosit, Rozeta Dobi arriti të vjedhë në bashkëpunim me të birin, Havier Dobi, një shumë të konsiderueshme parash në vlera të ndryshme. Më konkretisht: 524.800 euro, 8500 dollarë dhe 368.000 lekë të rinj si dhe bizhuteri florid he për këto para, deri më tani nuk rezulton të jetë publikuar ndonjë faturë.
Banesa në fjalë ndodhet në Rrugën e Kosovarëve dhe ishte marrë me qira nga Klosi. Denoncimi nga ish-zyrtarja është bërë më datë 15 dhjetor, por nuk dihet konkretisht se kur ka ndodhur vjedhja, goditja e Policisë së Shtetit erdhi vetëm tre ditë më parë, kur vuri në pranga pastruesen dhe të birin. Dyshja e kanë pranuar vjedhjen, ndërsa sot, në shtëpinë e tyre, policia gjeti dhe 400 mijë euro të fshehura në tubin e aspirimit.
Pastruesja, sipas raportimeve të deritanishme, kishte hyrë në banesë me çelësin që i kishte lënë Klosi për ta pastruar dhe kishte vjedhur para në interval të ndryshme kohore, por ditën e fundit kishte hapur derën me forcë dhe kishte bërë rrëmujë në banesë, për të inskenuar një grabitje. Gjithçka është zbuluar nga kamerat e sigurisë. Vetë ish-zyrtarja thotë se paratë i kishte ruajtur për të kuruar xhaxhain e saj, që e kishte me kancer dhe të shtruar në një spital në Shtetet e Bashkuara të Amerikës.
