Fqinjët e lagjes ku banonte Fatbardha Likarma e cila sot vrau veten duke u hedhur nga kati i tretë i pallatit, kanë treguar detaje të rënda për jetesën e 52- vjeçares me burrin dhe vjehrrën.
Ata tregojnë se bashkëshorti e kishte marrë Fatbardhën në shtëpi të jetonin pa dëshirën e saj. Ndërsa shprehen se ajo ishte një grua e mirë dhe familjare dhe me lot në sy shprehen të pikëlluara për këtë ngjarje.
“E morëm mbrëmë te shpia tha motra, për mbrojtje ato erdhën na e morën me zot, çuni i vetë. Kshu thonin se e dhunonte dhe vjehrra”.
“Unë e njihja gruan e mirë, familjare e ndershme. Siç më thanë mua e kanë dhunuar, se unë s’kam parë gjë më sytë e mi. Nuk di gjë nëna si i ka pas hallet brenda. Zonjë grua, grua më të rregullt nuk ka. Pika më ka ra, më ka kap tensioni, dridhem.
“Për ca e prunë, për ta vrarë, ajo u hodh vetë, nuk e di nëna si i ka pas hallet, jam të pallati matanë- tha një tjetër”
Burime bëjnë me dije se gruaja kishte bërë një denoncim më herët për dhunë në familje, ndërsa sot, në gjendje të rënduar psikologjike ajo është hedhur nga kati i tretë i pallatit.
