Të tjera detaje janë zbardhur në lidhje me krimin e dyfishtë që tronditi sot Roskovecin.
Mësohet se Xhevair Hoxha nuk e pranoi kurrë bashkëjetesën e të birit, Fatjonit me Merushe Hazizin. Prej tre vjetësh ata kishin debate të vazhdueshme deri sa sot 61-vjeçari e masakroi me thikë 30-vjeçaren në tualetin e banesën e tyre në fshatin Vidhisht.
Vrasja e 30-vjeçares Merushe Hazizi nga vjehrri i saj ishte e paralajmëruar pasi ata kishin debate të vazhdueshme me njëri tjetrin. Është zbuluar se në datë 16.03.2022 është plotësuar kërkesë padia në Polici për urdhër mbrojtje të 61-vjeçarit nga djali dhe fillimisht Gjykata e ka pranuar për dhunë psikologjike. Por në seancën e radhës, dt 28.03.2022, e ka hequr urdhrin e mbrojtjes. Në polici nuk ka asnjë ankesë nga djali apo nga nusja për vjehrrin. Bëhet fjalë vetëm për një ankesa që ka bërë 61-vjeçari për dhunë psikologjike nga i biri.
Duke mos përballuar dot sherret Fatjoni me Merushen për dy vjet jetuan me qira në Fier. Por disa javë më parë u kthyen në fshat. Mes tyre dhe Xhevairit kishte nisur një tjetër konflikt, ai për pronësinë e shtëpinë. Këtë e pohon dhe bashkëshortja e autorit të krimit.
“Ajo i thoshte ik se nuk ke shtëpi këtu. Xhevairi e ndërtoi shtëpinë dhe nuk e gëzoi. Edhe nusja e parë prandaj iku e shkreta se djali shkonte me këtë.”
Të afërm dhe fqinj të familjes Hoxha thonë se e nuk e kishin marrë seriozisht Xhevairin kur ju thonte se nëse nusja kthehej në fshat do ta vriste. Ai i kishte thënë djalit gjithmonë që do t’ia vriste nusen, edhe atë dhe do të vetëvarej.
