Kanë dalë detaje të reja nga ngjarja në fshatin Stom-Golem në Shkodër ku mbeti i vrarë 75-vjeçari Lulash Qepuri.
Lidhur me ngjarjen e rëndë bëhet me dije se në vendngjarje janë gjetur 26 gëzhoja të cilat 10 i përkisnin shotgunit dhe 16 kallashnikovit.
Gjithashtu, mësohet se i moshuar i cili ka qenë invalid dhe ndodhej në lokalin e tij, është qëlluar në trup 4 herë me shotgun, ndërkohë që ai i është kundërpërgjigjur me kallashnikov, duke qëlluar 16 plumba.
Kujtojmë se fillimisht i moshuari është dërguar në spital, ku dhe ka humbur jetën pasi nuk ka mundur t’iu mbijetojë plagëve të marra.
Ndërkohë që pas ngjarjes ka qenë djali i të moshuarit i cili ka telefonuar policinë duke i thënë se i kanë vrarë babin.
Menjëherë në vendngjarje kanë shkuar forcat e policisë dhe FNSH-së dhe po hetojnë për ngjarjen.
